Aningaasanik aningaasaatinillu niuerneq

Kalaallit Nunaata aningaasaqarnera ammasorujussuuvoq, aningaasaatit killeqanngitsumik nuunneqarsinnaallutik. Tamanna isumaqarpoq nunani tamalaani ineriartorneq aamma nunarsuaq tamakkerlugu ineriartornermi sunniutit aningaasaqarnermut apeqqutaalluinnartut. Tamanna minnerunngitsumik aningaasaqarnermi atuuppoq, aningaasanik niuerfiit ataatsimuulersinneqariartormata.

 

Aningaasanik aningaasaatinillu niuerfiit niuerfinnut immikkoortitersimapput, aningaasaqarnikkut ingerlatsinernik assigiinngitsunik neqerooruteqarfiusumi atorfissaqartitsisoqarfiusumilu. Aningaaseriviit assigiinngitsunik periarfissaqartitsillutik aningaasaliinissamut periarfissiipput. Peqatigisaanik aningaaseriviit inunnut inuussutissarsiutinullu siunertanut taarsigassartitsisarput.

 

Illunik pisinissamut aningaasalersuinermi taarsigassarsisitsisarfiit aqqutigineqakkajupput, ukiut 10-it 30-illu akornanni sivisussusilimmi piffissami sivisuumi akilersorneqartussanik. Kiisalu pisortat inissianik aningaasalersuinermut atatillugu pingaaruteqartuupput.